MON NA LAMA FONDATION

Cuma discunfia ca bom, ma kin ki ta discunfia ta dati i certa.

1. Nfala ba dja projecto "mon na lama", nunca i tchiga di sedo projecto, pabia nunca i scrivido i nunca i tene um estrutura di i sedo nacional enquanto mas um estatuto jurídico! Bo fala não;

2. Nfala bôs cuma "mon na lama" ca ta passa di ideia pessoal pa lucro pessoal. Bô fala não;

3. Nfala bôs cuma, se "mon na lama" i um projecto nacional, pabia gora ki fassido na terrenos pessoal, i só na si terra. Bô fala não, na qualquer lado i dibi ba di cunsa;

4. Nfala bôs cuma, si "mon na lama" ieraba um projecto nacional, governo ki dibi di gerir ba i ca Presidente, pabia na um regime i semi-presidencial, governo ki ta governa naçon, i ca Presidente. Governo tene sempre ministro di agricultura. Bô nega mas far;

5. Presidente exigi TRANSPARÊNCIA NA GESTON DI DINHERO PÚBLICO, ma cal dia gora ki i contanu cantu i ba kin ki ta financia "mon na lama" suma i um projecto nacional, pa utros agricultores pudi sibi di benefícios cu geston correcto di tal fundos ma sobretudo ba kin ki da financial! Cal dia ki Presidente pui cussas nas claras? Nunca.

6. Gossi gora i cuma? CAL KI NECESSIDADE DI FASSI UM PROJECTO "NACIONAL" SEDO FUNDAÇON? Abôs ki ta difindi "Mon na lama" cegamente bô rispundin? Será ki passagem di és Projecto a Fundaçon i foi um decison colegial cu utros invisíveis i desconhecidos agricultores di projecto mon na lama?

Primeira Dama tene si Fundaçon, ótimo.... ma cal ki necesdidade di marido tene si Fundaçon, sobretudo na um projecto que aparentemente dibi ba di sedo nacional? 

FUNDAÇON i único modo di legaliza toma dinhero, seja público cu privados.

7. Si "mon na lama" ieraba um projecto nacional (logo i misti fala, i abrange utros agricultores na és projecto piloto), pabia ki ca tem um alguim ki ta bai controla kil utros agricultores fantasmas, si è na aplica correctamente directivas di "mon na lama"??????

CUMA KI POSSÍVEL BÔ CETA APOIA, UM FALSO PROJECTO NACIONAL, SIM ESTRUTURA OU ESCRITA NENHUM. CUMA KI POSSÍVEL APOIA UM PROJECTO PESSOAL PA I BLOQUEA UM PROJECTO A NÍVEL NACIONAL BEM ELABORADI KI CONSEGUI RESULTADOS NA MESA REDONDA. CUMA KI POSSÍVEL PA GUINEENSES MAU DES FORMA PA SÉ ERMONS? 

CUSSA BEM ELABORADO, I FÁCIL PA TUDO DJINTIS PUDI CONTROLAL CU EXIGI SI CUMPRIMENTO.

I ca preciso ba fassi doutoramento pa sibi cuma kil projecto i fumo na udju, pabia i pessoal, i ca pa povo. I único beneficiado i Presidente. Mas não, tudo djintis acha cuma és ki caminho....ta certo. Caminho pa kin gora? Pa povu ou pa Presidente? 

Anta Jomav i purmero Presidente ki ta bai tarbadja? Bo diskici dja cuma falecido Nino Vieira ta bai tarbadja ba na si horta di cadju? E aí?

Nô para claquia atoa. És i ca football, i distinu di Guiné ki sta em causa. Nô sedo sincero cu um utro i nô para fitcha udju pa simpatia. Presidente ca sta na nim um caminho certo.

Gossi cussa stanu dja as claras. Ma infelizmente i na tem djintis ki na justifical outra vez.

Por: Domingos Joao Braia